Լռի՛ր,թե կուզես կյանքդ չծախել
Այն էժանագին ողբերգության տեղ,
Որ բեմից անգամ հարկ չկա նայել:
Լռի՛ր,քե՛զ պահիր բողոքներն ամեն,
Ոչ ոք չի լինի վշտիդ կարեկից,
Լռի՛ր, որ հետո հանկարծ չիմանաս,
Թե ուրախացան բազումք քո ցավից:
Լռի՜ր,ամփոփի՜ր ցավերդ քո մեջ,
Պայքարի՛ր համառ այդ ցավերի դեմ,
Լռի՜ր որ հետո, թե հաղթես հանկարծ,
Չկտրի ոչ ոք բերկրանքիդ ճամփեն:
Комментариев нет:
Отправить комментарий