7 նկար՝նկարված իմ ձեռքով(մաս 2)

Անիմաստ նկարող նկարիչը,ով ուղղորդվում է միայն պրակտիկոյով և աչքերի գնահատանքով,նման է այն հայելուն,որն արտացոլում է իրեն հակառակ դրված առարկաները՝չտիրապետելով նրանց մասին գիտելիքի: 

Լեոնարդո դա Վինչի

 Մեր տեսածը ճիշտ նկարելու սովորությունը տալիս է համապատասխան ունակությունը ճիշտ նկարել այն,ինչ մենք մտածում են: 

Ջոշուա Ռեյնոլդս

Նկարչությունը վերահսկողության փոխաբերական դրսևորումն է:Ես ընտրում եմ ամեն ինչ՝կտավը,գույները….Լինելով երեխա` ես լավ չէի հասկանում աշխարհը և չէի գտնում իմ տեղը նրանում,բայց նկարչությունն ինձ սովորեցրեց,որ երազանքներին կարելի է հասնել հասարակ կամքի ուժով:Նույն կերպ է նաև կյանքում.Կարելի է ուղղակի ոչ ոքի թույլ չտալ կանգնել քո ճանապարհին:

The Vanpire Diaries-ից

Բարև...Ինչպե՞ս ես...

Հեղինակ՝Քրիստինե Բեժանյան


Բարև...
Ինչպե՞ս ես...
Ինչու՞ եմ գրում,-
Ինքս էլ չգիտեմ:
Գուցե կարոտն է, որ օղակվել է ուղիղ կոկորդիս
Ու կուլ չի գնում...

Ինչու՞թողեցի ինձ ընտելացնես,
Ու հիմա վազող շնչառության պես
Արտաշնչում եմ քեզ իմ հուշերում:

Գրել չեմ ուզում...
Ուզում եմ թռչել,
Վազելով թռչել այն անսահմանը,
Որ բաժանումի հուզմունքի մեջ է,
Ու թաց աչքերով
Աչքերիդ փայլի գույները տեսնել:

Կարոտը վախ է...
Անքուն գիշերվա այս խավարի մեջ
Աչքերս փակել ու չեմ վախենում..
Տեսնել եմ ուզում..

Դու վերածվել ես...

Հեղինակ՝Քրիստինե Բեժանյան

Դու վերածվել ես ուրախ օրերիս երազահանին...
Կատարվելու ես...չես կատարվելու.
Մի ակնթարթ էլ երկուսն իրար հետ
Ե՛վ լինելու ես, և՛ չես լինելու...

Դե արի փորձիր ինքդ վերծանել:
Լույսերի մեջ է խավարը ծնվել.
Դու խավարը չես, դու լույսի շողն ես,
Որ ծնվել ես հենց իմ խավարի մեջ...

Դու վերածվել ես տխուր օրերիս հուշաթերթերին,
Որ սիրո քամին իմ պատուհանից
Տարել է կարոտ քո ճանապարհով
Ու հետք չի թողել որոնումների...

Ուժեղ լինելը մեծ թուլություն է...

Հեղինակ՝Քրիստինե Բեժանյան


Ուժեղ լինելը մեծ թուլություն է,
Իսկ դու լարերիս
Քո անձեռակերտ մեղեդիներով
Ինչքա՞ն դեռ պիտի հուզում նվագես...

Դու մի՛ օգտվիր ուժեղ լինելու 
Իմ թուլությունից.
Քեզ կկործանես նվագների մեջ...